25 красавіка ў рамках адзінага дня беларускага маўлення ў школьнай бібліятэцы прайшла акцыя “Чытаем па- беларуску”. Гутарка ля выставы “Чарнобыль.. памяць. . боль.. надзея..” нагадала вучням пра тыя страшныя падзеі.Дзеці пазнаёміліся з матэрыяламі выставы, прачыталі вершы пра чарнобыльскую трагедыю, пагаварылі пра наступствы тых падзей.
Гутарку –прэзентацыю “Ці добра вы ведаеце Беларусь?” правяла класны кіраўнік 9 “Г” класа Каранец Л.М. . Вучні паказалі сваё веданне родных мясцін : адказалі на пытанні віктарыны, расказалі пра вядомых людзей Беларусі і знакамітыя мясціны роднага краю. Потым паглядзелі прэзентацыю па тэме, яшчэ трошкі пабагацелі на веды.
У 3”Д “ класе пад кіраўніцтвам настаўніка Сідаравай І.С. прайшло выхаваўчае мерапрыемства "Па памятных мясцiнах маёй Радзiмы". Дзецi прынялi ўдзел у вiртуальнай экскурсii па памятных мясцiнах роднай краiны, паглядзелi прэзентацыю, абмеркавалi прагледжаны матэрыял, паслухалi паведамленнi аднакласнiкаў пра подзвiг народа ў гады Вялiкай Айчыннай вайны, прачыталi вершы пра Радзіму.
“Падарожжа ў краіну казак” правяла Карпечанка Д.А., настаўнік 1 “А”класа. Вучні з захапленнем слухалі беларускія казкі, адгадвалі іх назвы і герояў, суадносілі з казкамі сюжэтныя малюнкі. Пасля прынялі ўдзел у інсцэніроўцы казкі «Зайчына хатка», арганізавалі тэматычную выставу кніг у чытацкім кутку кабінета.
